EURO 2020-ის გამარჯვებული | კოეფიციენტები
ხვალ უკვე ივნისია, რაც იმას ნიშნავს რომ ნანატრი ევროპის ჩემპიონატი ძალიან მალე დაიწყება.
შარშან პანდემიის გამო ვერ ჩატარდა მთავარი კონტინენტის ტურნირი და კაი ხნით ლოდინიც მოგვიწია, თუმცა როგორც იქნა დადგა ნანატრი თვე.
ფეხბურთის გულშემატკივრებისთვის ის ზაფხული საერთოდ სხვა რამ არის, როდესაც ევროპის ან მსოფლიოს ჩემპიონატი იმართება. ყოველდღე ფეხბურთი, მეგობრების შეკრება, კარგი ამინდი, ჟრიამული. მეტი რა გვინდა?
აი, აზარტული მოთამაშეები კი 2 კვირით ადრე ვიწყებთ იმაზე ფიქრს, თუ ვინ გახდება ჩემპიონი, ვინ ვის დაამარცხებს და ა.შ
მოდი ვნახოთ EURO 2020-ის ფავორიტები კოეფიციენტების მიხედვით.
- საფრანგეთი - 5.60
- ინგლისი - 5.80
- ბელგია - 6.90
- გერმანია - 8.40
- ესპანეთი - 8.50
- პორტუგალია - 9.0
- იტალია - 11.25
- ნიდერლანდები - 12.50
- დანია - 28.0
- ხორვატია - 33.0
ნუ, ინგლისი ყოველთვის სამეულშია, მაგრამ გჯერათ კი ვინმეს? თუმცა ძალიან ძლიერი ნაკრები ჰყავთ ბრიტანელებს და იქნებ მოიშორონ ერთხელ და სამუდამოდ წყევლა და მოიგონ სანაკრებო ტიტული. ალბათ მიხვდებოდით რომ ჩემი პირადი სიმპათიები გარეტ საუთგეიტის ნაკრებისკენაა.
თქვენ რას ფიქრობთ, ვინ მოიგებს ევროპას?
